Ġrajjietha
L-istorja tar-Rabat tmur kważi lura elfejn sena, meta kienet għadha tagħmel parti mill-Belt antika Rumana ‘Melita’. Aktar tard il-Biżantini ċekknu din il-Belt. Matul il-perjodu Għarbi f’Malta, din ingħatat l-isem ta’ Mdina. Waqt li l-parti ta’ barra ingħatat l-isem ta’ Rabat li tfisser subborg.
Ftit ta’ żmien wara it-tluq tal-Konti Ruġġieru minn Malta, l-arċipelagu Malti ġie uffiċjalment parti minn Sqalljia, fis-sena 1530.
Fis-seklu XV, dawn l-inħawi servew bħala refuġju mill-attakki kontinwi tal-pirati. Kien f’dan iż-żmien meta fir-Rabat waslu numru ta’ ordnijiet reliġjużi li għadhom hemm sa llum.
Mal-wasla tal-kavallieri tal-Ordni ta’ San Gwann f’Malta, ir-Rabat kiseb importanza kbira, minħabba l-fatt li jinsab viċin l-Imdina (is-sede governattiva), b’rabta mal-grotta ta’ San Pawl, il-knisja konventwali u l-aspett agrikolu tiegħu li kien ta’ benefiċċju għall-madwar.
Il-ħakma Franċiża f’Malta fl-1798, sabet oppożizzjoni kbira mill-inħawi tar-Rabat u l-Imdina, bħala difiża għad-drittijiet umani, għall-patrimonju storiku u reliġjuż taħt it-tmexxija tal-eroj Malti, in-Nutar Emanuele Vitale.
Matul il-ħakma Ingliża fit-tieni nofs tas-seklu XIX, ir-Rabat introduċa u mexxa ‘il quddiem numru ta’ bidliet fil-qasam soċjali, it-twaqqif tal-ewwel skola primarja, l-ewwel servizzi mediċi, postali, avvanz fil-provista tal-ilma, dawl fit-toroq u l-bidu tat-transport bil-ferrovija bejn ir-Rabat u l-Belt. Kien f’dan iż-żmien li twaqqfu ż-żewġ baned lokali, il-banda L’Isle Adam u l-banda Konti Ruġġieru.
Iżda l-akbar żvilupp seħħ fis-seklu għaoxrin, ftit wara t-tieni gwerra dinjija meta kien hemm żieda kbira fil-popolazzjoni. 12000. Din kompliet matul is-snin sittin u sebgħin. Dan wassal għal urġenza kbira fil-kostruzzjoni u biex jinbnew postijiet ta’ abitazzjoni. Wieħed isemmi lil tal-Virtu’uGħajn Qajjet (Għajn Kajjet) Illum il-ġurnata dan l-iżvilupp jiddistingwi il-parti antika tal-Belt minn dik moderna.
Ir-Rabat, illum hija żona residenzjali li fiha joqogħdu iktar minn 11,950 persuna. Ir-Rabat huwa ta’ kontribut siewi għall-ekomonomija tal-pajjiż minħabba it-turiżmu u l-aġrikultura.
Kunsillieri








