Ġrajjietha

Swieqi (bil-Malti: Is-Swieqi) hija lokalita’ fir-reġjun tat-Tramuntana ta’ Malta. Hija żona residenzjali 15-il minuta bogħod b’tal-linja minn Tas-Sliema u ftit passi bogħod mill-postijiet tad-divertiment u l-ħajja notturna ta’ Paceville u San Ġiljan. Meta l-lokalita’ bdiet tiżviluppa, il-bini residenzjali ħa post l-għelieqi u r-raba’. L-isem tal-lokalita’ jfisser “kanali tal-ilma” b’tifkira għall-imgħoddi tar-reġjun.

Il-popolazzjoni uffiċċjali sal-1 ^ta’ Jannar tal-2019 hija ta’ 14,452

Tagħrif importanti

Ir-reġjun tas-Swieqi jinkorpora fih Is-Swieqi, Tal-Ibraġ, Il-Madliena u St. Andrews. Oriġinarjament Il-Madliena u St. Andrews kienu jiffurmaw parti mill-Għargħur. Il-ħamlet tal-Madliena ħadet isimha mill-Kappella ta’ Santa Marija Madalena li kienet inbniet ^fis-seklu ħmistax. Tal-Ibraġ huwa ħamlet ġdid li żviluppa fl-aħħar snin u li kwazi laħaq il-massimu tiegħu bħala żvilupp. St. Andrew’s jinsab fil-limiti tas-Swieqi biswit il-lokalita’ ta’ Pembroke. L-arma ta’ din il-lokalita fiha sinjal ziguzajg aħmar u dehbi li jindika l-widien u l-għelieqi Tal-Ibraġ, mewġ ikħal li jindika l-kanali tal-ilma (swieqi bil-Malti) u saltire tal-fidda. Il-Madliena hija indikata bl-ittra ħamranija M. Is-Swieqi għandu l-kunsill lokali tiegħu, u fl-2007 ingħatalu l-kodiċi postali tiegħu (SWQ…) Matul l-istorja fi żminijiet differenti l-lokalita’ kienet taħt il-ġurisdizzjoni ta’ San Ġiljan, Birkirkara, San Ġwann, In-Naxxar u Ħal Għargħur